協調航班升降既工作國泰航空即將轉交民航處負責. 國際航空運輸協會(IATA)表示憂慮.
蘋果有段報導, 話IATA擔心由代表政府利益既民航處會影響中立性, 而且國泰航空義務協助達20幾年, 一直表現良好, 認為無需轉換協調者.
國泰話唔反對由第2個做呢樣野. 而運輸及房屋局就話由國泰做係唔合理, 佢信民航處會跟足協會條例黎編航班.
呢件事係反應左2個唔同既睇法.
在國內, 協調航班升降係由政府民航局負責, 而機場營運者就只係提供升降時段出黎, 俾航空公司同民航局協調. 所以政府提議由民航處接手而唔係機管局.
而協會認為由政府或機場負責都唔好, 最好由第三者負擔黎保持中立. 在歐洲, 有組織係負責同機場、航空公司協調, 例如屬於European Union Airport Coordinations Association既slot coordinators Switzerland. 不過, 好似香港口咁由當地航空公司擔任都有, 例如全日空同理聯合航空等.
咁由航空公司義務擔任協調者係唔係等如中立??
我覺得因為國泰既錄好先至協會反對, 只不過個人認為航空公司已經係利益團體之一, 有會利益衝突. 而外國點解唔會有事既原因, 一來航空公司在一d機場入面有自己既客運大樓, 冇泊位爭. 另外, 航空公司有龐大航線網絡, 就算自己冇靚時段, 有子公司或者聯盟公司代替, 可以幫返間公司填補損失.
IATA既Worldwide Schedules Guidelines (WSG)既宗旨係公平咁協調航班升降時間, 以免某d公司拎曬d好時段俾自己用.
我建議可以將國泰果班人獨立出黎, 咁樣會保持現有人力資源外又可以用較中立既角色去處理呢d工作.
參考網址:
蘋果日報報導《民航處編航班恐失中立》
IATA新聞稿原文︰Hong Kong Slot Coordination: Abandon Plan to Appoint CAD As Coordinator
IATA Worldwide Schedules Guidelines (WSG)
